كان وكان

كان اجمل قصه حب في حياتــــي كان الماضي وكان زكرياتــــي
ده كــــان وكــان وكـــان كان هو كل الزمــــان
كان هو السماء ولياليهـــا
والدنيا وكل ما فيهـا
يا رحله في عمري متتنسيـــــش
هيفضل الماضي جوه قلبي وقلبك يعيش
زكريات من ماضينا بتعيش فينا مهما يعدي عليها الزمن بتفضل عايشه جوانا
بنهرب منها ساعات ونروح لابعد مكان ممكن نلاقي فيه نفسنا وبنقول يمكن ننسي الماضي وهمنا
وبنرجع تاني اقوي ما كنا للماضي اللي ساكن وجودنا ومش بيفرقنا ولا يوم بيهرب من قلوبنا
كل واحد فينا بيمكلك ذكري وبتكون في حياته اجمل ذكري مهما انجرح منها ومهما انكسر منها
بيحنلها ويشتاق لكل كلمه وكل ضحكه حسها وعشها في رحله الماضي اللي مش بتفرقنا
يمكن في ناس بتقدر علي رحله النسيان وناس بتتسجن جوه سجن الاحزان
وناس بتبني حلم جديد بدل الحلم اللي مات وناس بتنكسر من الزمان
لو شوفنا الذكري وعشنا فيها خلينا يا قلبي نفتكر احلي ما فيها
وبلاش نفتكر فيها الجراح ونفضل نندم علي اللي فات وعلي اللي راح
افتكر الماضي يا قلبي في كل ضحكه ضحكنها في كل خطوه خطناها في كل احساس حسينا به
افتكر الحلم الوردي اللي كنا بنحلم به افتكر اجمل ايام عشتها ومشوفتش سعاده زيها
علشان تكون اجمل ذكره عشنا فيها . . . .